წუწუნი რა გავლენას ახდენს ადამიანის ჯანმრთელობაზე
წუწუნი და ნეგატიური დამოკიდებულება ადამიანზე უარყოფით გავლენას ახდენს. ალბათ, ძალიან ხშირად შეგხვედრიათ ადამიანი, რომელიც გამუდმებით წუწუნებს და საკუთარ პრობლემებს გიყვებათ. იქნებ, თქვენც ხშირად გაქვთ წუწუნის მიზეზი? მიუხედავად ამისა, მაქსიმალურად უნდა შეეცადოთ, რომ პოზიტიური დამოკიდებულება შეინარჩუნოთ.
ადამიანების უმეტესობა გაუცნობიერებლად ჩივის და ამას ყოველგვარი მიზეზის გარეშე აკეთებს. ნებისმიერ შემთხვევაში ეს პრეტენზიები საკუთარ ნეგატიურ გავლენას მთქმელზეც და მსმენელზეც თანაბრად ახდენს.
გამუდმებული ჩივილიც ისევე შეიძლება მავნე ჩვევებს მივაწეროთ, როგორც თამბაქოს ან ალკოჰოლის მოხმარება. ისინი ორგანიზმისთვის მომწამვლელია. ზუსტად ასეთივე ეფექტს იძლევა თქვენი დამოკიდებულება და განწყობა.
ტვინი ინახავს ინფორმაციას, აზრებს და ა.შ. სამწუხაროდ, იგი არ არჩევს პოზიტიურ და ნეგატიურ ინფორმაციას და უარყოფითიც გონებაში მარტივად გროვდება.
გამუდმებით ნეგატიურ მდგომარეობაში ყოფნით ზიანდება ნერვული სისტემა. ეს პროცესი თანდათან მიმდინარეობს, ისე რომ მნიშვნელოვან განსხვავებას ვერც შეამჩნევთ.
დროთა განმავლობაში ნებისმიერი ნეგატიური აზრის დროს ტვინი თავისთავად აღადგენს ძველ რეფლექსებს და უარყოფითი იდეების გონებაში გავრცელება უფრო ადვილდება. საბოლოოდ, ეს მდგომარეობა ორგანიზმს შიგნიდან ანადგურებს.
გაიგეთ მეტი ჩვენს ტელეგრამ არხზე შემოგვიერთდით ტელეგრამზე: https://t.me/SheniEkimi
მასალის გამოყენების პირობები
