ექიმებს ფარმაკომპანიებისგან მიღებული თანხების გასაჯაროება დაევალებათ bm.ge

ბოლო განახლება: 13 სექტემბერი, 2026 3:23 am

ავტორი

1 კვირის წინ

2 წუთიანი წაკითხვა

ექიმებს ფარმაცევტული კომპანიებისგან მიღებული ფინანსური რესურსის შესახებ ინფორმაციის გასაჯაროების ვალდებულება ექნებათ. ამას ე.წ sunshine Act გულისხმობს, რომელსაც საქართველო სავარაუდოდ წელსვე მიუერთდება. ასეთი სურვილი აქვს ჯანდაცვის მინისტრ ზურაბ აზარაშვილს. bm.ge-ს კითხვის საპასუხოდ მინისტრი ამბობს, რომ გეგმავდნენ ეს პროექტი ონკოლოგიური მედიკამენტების პირდაპირ შესყიდვასთან ერთად დაწყებულიყო, რაც ვერ განხორციელდა.

„თქვენ გულისხმობთ sunshine Act-ს, რომელიც ათეულობით წლის წინ დაიწყო ჯერ კიდევ ამერიკაში, რადგან ფარმაცევტული მიმართულება საკმაოდ რთული მიმართულებაა და რთულია მათ შრის თორის მონიტორინგი. აქედან გამომდინარე, ჯერ კიდევ რამდენიმე ათეული წლის წინ დანერგეს ამერიკაში, შემდეგ ევროპის თითქმის ყველა ქვეყანაში. ამ პრაქტიკის საფუძველზე ჩვენ გვინდა, რომ ეს პრაქტიკა საქართველოშიც შემოვიტანოთ და ყველაფერი ამ ბიზნესთან დაკავშირებული იყოს გამჭვირვალე, როგორც ფარმაცევტული კომპანიების, ასევე ექიმების მხრიდან, ეს ემსახურება ნდობასაც. რასაც ვცდილობთ, რომ პაციენტს და ექიმს შორის არსებობდეს ჩვენს ქვეყანაში.

ეს პროექტი მინდოდა ონკოლოგიურ მედიკამენტების პირდაპირ შესყიდვასთან ერთად დაგვეწყო, რადგან სამწუხაროდ, ბევრი კითხვებია ონკოლოგიური მედიკამენტების დანიშვნასა და მკურნალობასთან დაკავშირებითაც. სამწუხაროდ, რადგან მკურნალობის ძალიან ძველი გაიდლაინები გვქონდა ან საერთოდ არ გვქონდა ონკოლოგიური დაავადებების მკურნალობის. პირდაპირ საერთაშორისო გაიდლაინებს გვინდა მიებას, რომ არ იყოს კითხვა რატომ დანიშნა და რომელი მედიკამენტი ექიმმა, ბევრი დანიშნა, თუ ცოტა დანიშნა. ამით ექიმებსაც რეპუტაციულად ვეხმარებით, რომ მეტი ნდობა იყოს პაციენტების მხრიდან და სახელმწიფოს მხრიდან იყოს მეტი კონტროლი, რათა დანაკარგები, „ქეშბექები“ ნაკლებად იყოს, ან საერთოდ არ იყოს,”- განაცხადა მინისტრმა.

Sheni Network

ცნობისთვის, ამერიკაში Sunshine Act (Physician Payments Sunshine Act) ავალდებულებს ფარმაცევტულ ფირმებს მოახსენონ ექიმებისათვის ყველა მათი ტრანსფერის შესახებ. თავად ექიმებს კი, ვალდებულება აქვთ აცნობონ შესაბამის უწყებებს ყველა მიღებული თანხის, თუ “გულუხვი” საჩუქრის შესახებ.

კანონი აშშ-მ 2010 წელს მიიღო, რომლის მიზანიც ჯანდაცვის სფეროში ფინანსური ურთიერთობების გამჭვირვალობის გაზრდა იყო.

წყარო: https://bm.ge/

სკანირება
QR კოდი

shenipositive.ge

სტატიის ციტირება

შენი პოზიტივი. (2025). ექიმებს ფარმაკომპანიებისგან მიღებული თანხების გასაჯაროება დაევალებათ bm.ge. 5 ოქტომბერი, 2025. https://shenipositive.ge/ექიმებს-ფარმაკომპანიები/

სტატიის ციტირება

შენი პოზიტივი. ექიმებს ფარმაკომპანიებისგან მიღებული თანხების გასაჯაროება დაევალებათ bm.ge [Internet]. თბილისი: Shenipositive.ge; 2025 [ციტირებულია: 2026 სექ 21]. ხელმისაწვდომია: https://shenipositive.ge/%e1%83%94%e1%83%a5%e1%83%98%e1%83%9b%e1%83%94%e1%83%91%e1%83%a1-%e1%83%a4%e1%83%90%e1%83%a0%e1%83%9b%e1%83%90%e1%83%99%e1%83%9d%e1%83%9b%e1%83%9e%e1%83%90%e1%83%9c%e1%83%98%e1%83%94%e1%83%91%e1%83%98/

shenipositive.ge