9 ხრიკი, რომელიც დაგეხმარებათ ტოროლაზე ადრე გაიღვიძოთ

ადრე ადგომა ბევრი ჩვენგანისთვის ნამდვილი წამებაა, განსაკუთრებით მაშინ, თუ დასვენების დღეებში საწოლში გვიანობამდე გორაობას ხართ მიჩვეული. თუმცა ადრე ადგომა და დადებითი განწყობის ქონა სულაც არ არის რთული — საკმარისია რამდენიმე მარტივი ჩვევის გამომუშავება. გთავაზობთ 9 რჩევას, რომელიც დაგეხმარებათ დილით ადრე ადგომაში და თავს ბევრად უკეთ იგრძნობთ.

სწორი დაგეგმვა და ძილის რეჟიმი

ადრე გაღვიძების საუკეთესო საფუძველი სწორი დაგეგმვა და მოწესრიგებული ძილის განრიგია. რამდენიმე მარტივი პრინციპის დაცვა სასწაულებს ახდენს.

• იპოვეთ მიზეზი ადრე ასადგომად. დაძინებამდე დაგეგმეთ შემდეგი დღე ისე, რომ ყველაზე რთული საქმე სწორედ დილით შეგხვდეთ. ასე შუადღით თავს სასიამოვნოდ და მსუბუქად იგრძნობთ. დილა საუკეთესო დროა საქმეების ეფექტურად და ნაყოფიერად გასამკლავებლად.
• ნუ იფიქრებთ, რომ 4 საათში გამოიძინებთ. ეს დილით ტანჯვის გარანტიაა. დაიძინეთ ერთსა და იმავე დროს ყოველდღე, განურჩევლად სამუშაო თუ დასვენების დღეებისა. აუცილებელია დღეში 6-დან 8 საათამდე ძილი.
• ადექით ერთსა და იმავე დროს ყოველდღე. ეს მხოლოდ პირველი რამდენიმე დღის მანძილზე გაგიჭირდებათ, შემდეგ კი ორგანიზმი შეეჩვევა ადრე ადგომას და მაღვიძარაც აღარ დაგჭირდებათ. ამასთან, თქვენს განკარგულებაში უამრავი თავისუფალი დრო გაჩნდება.

გაღვიძების სწორი ჩვევები

გაღვიძების პროცესი თავისთავად მოითხოვს გარკვეულ დისციპლინას. ორი ყველაზე გავრცელებული შეცდომაა გვიანი ადგომა და ე.წ. “კიდევ 5 წუთის” ლოგიკა.

• დაივიწყეთ “5 წუთიც და ავდგები”. დარეკა მაღვიძარამ — ადექით და ნუ შეგეცოდებათ საკუთარი თავი. ავტომატური აზრი, რომ “კიდევ ცოტა დავიძინებ და ამის სანაცვლოდ საუზმეს გამოვტოვებ”, კარგ შედეგს არ გამოიღებს. ასე უფრო მეტხანს მოგინდებათ ძილი და გაღვიძება გაცილებით რთული გახდება.
• თუ ადრე გაიღვიძეთ, ადექით. თუ მაღვიძარა 6:00 საათზე გაქვთ მოწყობილი, დილით კი 5:40-ზე გაგეღვიძათ, ადექით — დაძინების შემთხვევაში იმდენად ღრმად ჩაგეძინებათ, შესაძლოა, მაღვიძარამ ვეღარ გაგაღვიძოთ. უნდა გიხაროდეთ, რომ საკუთარი თავისთვის 20 წუთით მეტი გაქვთ.

მსგავსი ხრიკებს საქმიანი ქალები დილით იყენებენ და ამის წყალობით დღის დასაწყისი გაცილებით პროდუქტიული გამოდის.

- რეკლამა -

დილის გამაღვიძებელი რიტუალები

საწოლიდან ადგომა ჯერ ყველაფერი არ არის — საჭიროა სხეულიც გამოაღვიძოთ. რამდენიმე მარტივი მოქმედება ამ პროცესს საგრძნობლად ამარტივებს.

• იხტუნეთ. როგორც კი გაიღვიძებთ, დაიწყეთ ხტუნვა. რამდენიმე ახტომის შემდეგ ძილიანობა გაქრება. 5-წუთიანი ხტუნვა ლახტზე ლიმფური სისტემისთვისაც სასარგებლოა — ეს სწრაფად განდევნის ტოქსინებს, რომლებიც მთელი ღამის მანძილზე დაგროვდა.
• გახსენით ფანჯარა. გახსენით ფანჯარა ან გადით აივანზე, თუ ამინდი ამის საშუალებას იძლევა. ჩაისუნთქეთ სუფთა ჰაერი მთელი სხეულით და სამყაროს უფრო ნათელად აღიქვამთ.
• დალიეთ ჭიქა წყალი. საუკეთესო ეფექტი ექნება დილით დალეულ ერთ ჭიქა წყალს, თუ მასში ლიმონის ფირფიტას და ერთ კოვზ თაფლს დაუმატებთ. ამის შემდეგ ძილი აღარ მოგინდებათ.
• შეჭამეთ რამე გემრიელი. მოერიდეთ ტკბილი სიროფით ან ცხიმებით გაჯერებულ საკვებს, რომელიც კუჭის სიმძიმეს და ძილიანობას გამოიწვევს. საუზმე უნდა იყოს გაჯერებული, გემრიელი და ჯანსაღი.

ამ 9 მარტივი რჩევის თანმიმდევრული დაცვა საშუალებას მოგცემთ, გაიმომუშავოთ ჯანსაღი დილის ჩვევა, იგრძნოთ თავი ენერგიულად და მთელი დღე გაცილებით ნაყოფიერად გამოიყენოთ. მახსოვდეთ — ყველაფერი პირველი ნაბიჯით იწყება.