შესაძლოა კანს იდაყვზე ჯერ თქვენთვის დისკომფორტი არ შეუქმნია, მაგრამ მშრალია, როგორც ზუმფარა. ამის ბევრი გამომწვევი ფაქტორი არსებობს. ჩვენ რამდენიმე მიზეზს და მათთან ბრძოლის ხერხებს წარმოგიდგენთ, რათა კანმა სირბილე და ელასტიურობა დაიბრუნოს.
რატომ შრება კანი იდაყვზე
იდაყვის კანი სხეულის სხვა ნაწილებისგან განსხვავდება. მიზეზი ცხიმოვანი ჯირკვლების სიმცირეა, რომლებიც მას ტენიანობის დაკარგვისგან დაიცავდნენ. იდაყვზე კანი ნაწილებად იწყებს დაყოფას, მოძრაობს და იწელება. სწორედ ამიტომ ამ არეალს სპეციალური მოვლა ესაჭიროება.
როგორ დავუბრუნოთ სირბილე
-
ყურადღება მიაქციეთ, როგორ იღებთ შხაპს.
მშრალი იდაყვები შესაძლოა დიდხნიანი ბანაობის შედეგი იყოს, განსაკუთრებით თუ ეს ცხელ და ქლორიან წყალში ხდება. აირჩიეთ პროდუქტები რძემჟავის შემცველობით, რომლებიც კანს ნაზად ასუფთავებს და ტენიანობას ინარჩუნებს.
-
აირჩიეთ სწორი დამატენიანებელი.
იდაყვები ყოველი შხაპის შემდეგ უნდა დაიტენიანოთ. არ დაგავიწყდეთ ამის კეთება ყოველ ჯერზე, როცა ისინი დასველდება ან ტემპერატურა უეცრად შეიცვლება. ძალიან კარგია, თუ თქვენი კრემი ან ლოსიონი შეიცავს ზეითუნის, ქოქოსის ან კაკაოს ზეთს. მშრალი კანის მოვლის სახლში დამზადებული ნიღბები ამ შემთხვევაშიც შეიძლება სასარგებლო აღმოჩნდეს.
-
ყურადღება მიაქციეთ ტანსაცმელს.
თუ იდაყვზე კანი შრება, გაიხსენეთ, როდის ჩაიცვით ახალი სამოსი. სენსიტიური კანის შემთხვევაში ბევრმა ქსოვილმა შეიძლება გამოიწვიოს გაღიზიანება და გაშრობა, ამიტომ ქსოვილის შერჩევაზე ყურადღება გამახვილეთ.
-
დაიცავით კანი მავნე გარემო ფაქტორებისგან.
ჩაიცვით ამინდის მიხედვით და წაისვით მზისგან დამცავი კრემი, როცა გარეთ ხართ. ულტრაიისფერი სხივები კანს აშრობს და აზიანებს.
-
მსუბუქად გაიწმინდეთ ან დაიმასაჟეთ ჯაგრისით.
გამოიყენეთ მშრალი ჯაგრისი კვირაში ერთხელ. ეს პროცედურა კანის მკვდარ უჯრედებს აშორებს და სისხლის მიმოქცევას აუმჯობესებს.
-
იკვებეთ სწორად.
დარწმუნებული იყავით, რომ საკმარის რაოდენობას იღებთ A და B ვიტამინებისა და თუთიის. სწორი კვება სხეულის განახლებაში მნიშვნელოვან როლს თამაშობს, და თქვენი კანი მადლიერი იქნება!
როდის მივაკითხოთ ექიმს
თუ ეს ყველაფერი შეასრულეთ და მშრალი კანი მაინც არ აღმოიფხვრა, მაშინ ექიმთან მისვლის დროა. თუ გაუმჯობესებას საერთოდ ვერ ხედავთ, გაიარეთ კონსულტაცია, რადგანაც ამ შემთხვევაში მშრალი კანი შეიძლება სხვა ჯანმრთელობის პრობლემების სიმპტომი იყოს, მაგალითად:
- ჰორმონალური დარღვევა
- დიაბეტი
- ანემია
- ფსორიაზი
იდაყვის მშრალი კანი ხშირად წვრილმანად აღიქმება, თუმცა სწორი და რეგულარული მოვლით შედეგი საკმაოდ სწრაფად ჩანს. მიეცით კანს სათანადო ყურადღება და ის თავად გაჩვენებთ, თუ რამდენად შეუძლია გარდაქმნა.
QR კოდი
სტატიის ციტირება
შენი პოზიტივი. (2025). მშრალი იდაყვები: რატომ ხდება და როგორ გამოვასწოროთ. 24 სექტემბერი, 2025. https://shenipositive.ge/mshrali-idayvebi-ratom-khdeba-da-rogor-gamovastsorot/
