გამოცდილი ჩინელი ექიმი: ორგანოები ყოველთვის წყვილად ავადმყოფობენ

აღმოსავლური მედიცინა საკმაოდ ღრმა და მრავალფეროვანი სფეროა, რადგანაც მეცნიერები ადამიანის სხეულს არა უბრალოდ ორგანოების ნაკრებად, არამედ ფიზიოლოგიური ფუნქციების რთულ, ერთიან სისტემად მიიჩნევენ. დასავლეთის წარმომადგენლებისგან განსხვავებით, აღმოსავლეთში ფიქრობენ, რომ ადამიანის სხეულში მიმდინარე პროცესები მჭიდროდ დაკავშირებულია იმასთან, რაც ენერგეტიკულ გარსში ხდება.

შინაგანი ორგანოების ენერგეტიკული კავშირი

ჩვენს სხეულში დიდი რაოდენობის ბიოლოგიურად აქტიური წერტილია, რომლებიც ზედმეტი ენერგიის მოხმარებაზე მუშაობენ და ასევე ცალკეული ორგანოების ფუნქციონირებაზე აგებენ პასუხს. ისინი დაახლოებით 2 მმ ზომისაა. აღმოსავლელმა მეცნიერებმა შენიშნეს, რომ ეს წერტილები ჯაჭვად ერთიანდებიან, და მათ მერიდიანები უწოდეს.

სულ 12 მერიდიანს გამოყოფენ, ყველა მათგანი სხეულში სხვადასხვა სისტემის ფუნქციონირებას უზრუნველყოფს. ტრადიციული მედიცინა სწორედ ამ პრინციპებს ეყრდნობა შინაგანი ორგანოების ჯანმრთელობის შეფასებისას.

12 მერიდიანი და მათი ფუნქციები

• ფილტვების მერიდიანი — პასუხისმგებელია ნივთიერებათა გაცვლასა და სუნთქვაზე. აკონტროლებს სუნთქვის ორგანოებს: ხორხს, ტრაქეას და ბრონქებს. მასზე მოქმედება ამცირებს სუნთქვის პრობლემებს და ტემპერატურას.
• მსხვილი ნაწლავის მერიდიანი — დაკავშირებულია ფილტვების მერიდიანთან. პასუხს აგებს საკვების მონელებასა და გადამუშავებული საკვების სხეულიდან გამოდევნაზე. სასარგებლოა კუჭ-ნაწლავის ტრაქტის, კანისა და ლორწოვანი გარსების დაავადებებისას.
• კუჭის მერიდიანი — ერთ-ერთი ყველაზე მნიშვნელოვანი მერიდიანია. მისი მუშაობის დარღვევა ორგანიზმის დამცავ ფუნქციებს ანელებს.
• ელენთასა და კუჭქვეშა ჯირკვლის მერიდიანი — ეს ორგანოები პასუხს აგებენ იმაზე, რომ საკვებისგან მაქსიმალური სარგებელი მიიღოთ. მჭიდროდ დაკავშირებულია კუჭის მერიდიანთან.
• გულის მერიდიანი — აკონტროლებს გულისა და გულ-სისხლძარღვთა სისტემის მუშაობას. ასევე მასზეა დამოკიდებული ემოციები, აზროვნება და შეგრძნებები. მისი დარღვევა სტრესსა და გულის პრობლემებს იწვევს.
• წვრილი ნაწლავის მერიდიანი — მონაწილეობს საკვების გადამუშავების ხანგრძლივ პროცესში. გულის მერიდიანის მეწყვილეა. სასარგებლოა თავისა და კისრის ტკივილების დროს.
• შარდის ბუშტის მერიდიანი — პასუხს აგებს სხეულიდან სითხის გამოყოფაზე. მასზე მოქმედება სპაზმების, კანის დაავადებებისა და თავის ტკივილის დროს დაგეხმარებათ.
• თირკმლის მერიდიანი — განსაზღვრავს ყველა იმ ქსოვილისა და ორგანოს აქტიურობას, რომლებიც ზრდასა და გამრავლებაზე აგებენ პასუხს. მასზეა დამყარებული ორგანიზმის ენერგეტიკული მდგომარეობა. მისი დაზიანება ნერვიულობას, გაღიზიანებასა და ძილის დარღვევას იწვევს.
• გულის გარსის მერიდიანი — გულის მერიდიანის მსგავსად, ზემოქმედებს გულ-სისხლძარღვთა სისტემაზე, ოღონდ უფრო ფართო გავლენით. ამ მერიდიანის კონტროლქვეშ ექცევა ადამიანის სექსუალური ბუნებაც.
• სამი გამაცხელებლის მერიდიანი — პასუხს აგებს ადამიანის ენდოკრინულ სისტემაზე. სამ ნაწილად იყოფა: ზედა, საშუალო და ქვედა. დაკავშირებულია გულის გარსის მერიდიანთან.
• ნაღვლის ბუშტის მერიდიანი — ღვიძლის მერიდიანს უკავშირდება. მასზე მოქმედება შუბლის, შაკიკისა და ართრიტის ტკივილებისგან გათავისუფლებაში გვეხმარება.
• ღვიძლის მერიდიანი — აუმჯობესებს სისხლის მდგომარეობას და ააქტიურებს ბიოლოგიურად აქტიურ ნივთიერებათა გამომუშავებას.

რატომ ავადმყოფობენ ორგანოები წყვილად

როგორც ხედავთ, მერიდიანები ერთმანეთთან მჭიდროდ არის დაკავშირებული. თითოეულ წყვილში ერთი ორგანო იანს ჰგავს, მეორე კი ინს — ისინი ერთმანეთს ავსებენ. ენერგია მათ შორის თანაბრად ნაწილდება, მაგრამ თუ ბალანსი ირღვევა, ორივე ორგანო ზიანდება.

- რეკლამა -

სწორედ ამიტომ, ორგანოები ყოველთვის წყვილად ავადმყოფობენ და მათი მკურნალობა ერთადაა საჭირო. შესაძლოა რამდენიმე წელი კარგად მოუაროთ ერთ-ერთ ორგანოს, მაგრამ ვერ შენიშნოთ მეორის დისფუნქცია. ნებისმიერი მკურნალობა ამაო იქნება, თუ ბალანსს არ აღადგენთ.

ამ ცოდნის გათვალისწინება გვაძლევს საშუალებას, გაცილებით ეფექტურად მოვუაროთ საკუთარ ჯანმრთელობას და თავიდან ავიცილოთ ის შეცდომები, რომლებსაც ხშირად ვუშვებთ ერთ ორგანოზე ყურადღების კონცენტრირებისას.