მწვანე და გაღვივებული წიწიბურა: რატომ არის ის განსაკუთრებულად სასარგებლო

წარსულში ჩვენი წინაპრები წიწიბურას “მარცვლეულთა მეფედ” მოიხსენიებდნენ, და ეს სრულიად დამსახურებული წოდება იყო. ეს პროდუქტი ვიტამინების, მინერალებისა და ცილების უდიდესი წყაროა. განსაკუთრებით სასარგებლო გავლენა ჩვენს ორგანიზმზე წიწიბურის ღია მწვანე ფერის მარცვლებს აქვს. მარცვლების ეს ფერი განპირობებულია იმით, რომ პროდუქტი თერმულად არ დამუშავებულა და მასში შენარჩუნებულია სასიცოცხლოდ მნიშვნელოვანი კომპონენტები, რასაც ვერ ვიტყვით ყავისფერი წიწიბურის შესახებ.

მწვანე წიწიბურას სასარგებლო თვისებები

მწვანე წიწიბურას უამრავი სასარგებლო თვისება აქვს, რომელიც კომპლექსურად ზრუნავს ჩვენი ორგანიზმის ჯანმრთელობაზე:

• აძლიერებს მთელს ორგანიზმს
• დადებითად მოქმედებს მეტაბოლიზმზე
• ხელს უწყობს ცუდი ქოლესტერინის გამოყვანას ორგანიზმიდან
• არეგულირებს სისხლში შაქრის დონეს
• ამაგრებს სისხლძარღვებს
• სასარგებლოა რკინადეფიციტური ანემიის დროს
• ხელს უწყობს ტოქსინების გამოყვანას
• სასარგებლოა თმისა და ფრჩხილების ჯანმრთელობისთვის
• ამაღლებს პოტენციას
• ხელს უწყობს წნევის დარეგულირებას

მწვანე წიწიბურა შეიცავს მცენარეულ პროტეინს — 13-15% 100 გრამზე, რაც სხვა ბურღულებზე მეტია. მასში გვხვდება შეუცვლელი ამინომჟავა ლიზინი, რომელიც თითქმის არ გვხდება სხვა მცენარეულ პროდუქტებში. B-ჯგუფის თითქმის ყველა ვიტამინთან ერთად პროდუქტი შეიცავს C, E და PP ვიტამინებსაც. მინერალთა და მიკროელემენტთა შემადგენლობაც შთამბეჭდავია: რკინა, თუთია, კალციუმი, ფოსფორი, სელენი, იოდი, კალიუმი, მაგნიუმი და სხვა. ეს ელემენტები იმდენი რაოდენობითაა წიწიბურაში, რომ ორგანიზმი მათ ადვილად ითვისებს. გარდა ამისა, პროდუქტი მდიდარია ანტიოქსიდანტებით და ფლავონოიდებით, მათ შორის რუტინით, რომელიც ხელს უწყობს კუჭ-ნაწლავის გაწმენდას, სისხლძარღვების გაძლიერებასა და ანთებითი პროცესების შეჩერებას. თუ ჯანსაღ კვებას მიჰყვებით და აკონტროლებთ საკუთარ რაციონს, აუცილებლად გაამდიდრეთ ის ამ ძალზედ სასარგებლო “ცოცხალი” პროდუქტით.

როგორ გავაღვივოთ წიწიბურა

იმისათვის, რომ ამ პროდუქტს ჰქონდეს მაქსიმალური სასარგებლო გავლენა ჩვენს ორგანიზმზე, აუცილებელია მისი გაღვივება მიღებამდე. გაღვივებას დაახლოებით 14-დან 48 საათამდე სჭირდება.

- რეკლამა -

გაღვივებისთვის დაგჭირდებათ:

• მინის ან ფაიფურის ჭურჭელი
• წიწიბურის ღია მწვანე მარცვლები
• გაფილტრული ან წყაროს წყალი
• მარლა

გაღვივების პროცედურა ნაბიჯ-ნაბიჯ:

1. კარგად გარეცხეთ წიწიბურა რამდენჯერმე.
2. გარეცხილი მარცვლები ჩაყარეთ საშუალო ზომის ქვაბში და დაასხით იმ რაოდენობით წყალი, რომ ისინი მთლიანად დაიფაროს.
3. ამოწმინდეთ ქვაბი იმ ნაგვისგან, რომელიც წყალზე ტივტივს დაიწყებს, შემდეგ გადაწურეთ წყალი.
4. გადაიტანეთ მარცვლები ახალ ჭურჭელში. გახსოვდეთ: წიწიბურის ფენის სიმაღლე არ უნდა აღემატებოდეს 2 სანტიმეტრს.
5. დაასხით გაფილტრული წყალი ისე, რომ მარცვლები მთლიანად დაიფაროს, და დაყოვნეთ 2-3 საათის განმავლობაში.
6. ამ დროის გასვლის შემდეგ კვლავ გადაღვარეთ წყალი და კიდევ ერთხელ კარგად გარეცხეთ მარცვლები.
7. წიწიბურის გარეცხილ მარცვლებს დააფარეთ ტენიანი მარლა, ხოლო ჭურჭელს დაახურეთ თავსაფარი ისე, რომ ჰაერმა თავისუფლად იმოძრაოს.
8. დატოვეთ ჭურჭელი ბნელ ადგილას დაახლოებით 2 დღე-ღამის განმავლობაში — ამ დროში მარცვლები ბოლომდე მოასწრებს გაღვივებას.

გაღვივებული წიწიბურის დამატებითი სარგებელი

გაღვივებული მწვანე წიწიბურა ანტიოქსიდანტების განსაკუთრებით დიდი წყაროა. კვლევებით დამტკიცდა, რომ ბრინჯთან შედარებით, წიწიბურის მარცვლებში 76-ჯერ მეტი ანტიოქსიდანტია. ეს პროდუქტი გვიძლიერებს იმუნიტეტს და ანელებს დაბერების პროცესსაც.

გაღვივებული წიწიბურა ძალზედ სასარგებლოა ჭარბწონიანობისა და გაცხიმოვნების დროს, ვინაიდან არეგულირებს ორგანიზმში ქოლესტერინის დონეს და შეიცავს დიდი რაოდენობით ცილებსა და ნახშირწყლებს. პროდუქტი ასევე მდიდარია ორგანული მჟავებით — ვაშლის, მალეინის, ლინოლენის, ლიმონმჟავითა და სხვებით, რომლებიც აღადგენენ ორგანიზმში მჟავა-ტუტოვან ბალანს და აუმჯობესებენ მსხვილი ნაწლავის ფუნქციონირებას. ომეგა-3 ცხიმოვანი მჟავების შემცველობა კი გულ-სისხლძარღვთა სისტემის დაავადებებისგან გვიცავს. E და B ჯგუფის ვიტამინები, რომლებიც ამ პროდუქტში ჭარბადაა, აუცილებელია ნერვული სისტემის გამართული ფუნქციონირებისთვის, ჰემოგლობინის სინთეზისა და ნივთიერებათა ცვლის პროცესებისთვის.

დაიმახსოვრეთ, რომ გაღვივებული წიწიბურის შენახვა არ არის რეკომენდირებული 2 დღეზე დიდხანს. შეგიძლიათ მიიღოთ ეს სასარგებლო მარცვლები რძის პროდუქტებთან, სალათებთან და სხვადასხვა კერძებთან ერთად.

- რეკლამა -

მწვანე გაღვივებული წიწიბურა ერთ-ერთი იმ პროდუქტთაგანია, რომელიც ყოველდღიური კვების რაციონში ჩართვის ნამდვილ სარგებელს იძლევა. მარტივი გაღვივების პროცესი და მრავალმხრივი სასარგებლო თვისებები ამ პროდუქტს ჯანსაღი ცხოვრების სტილის ერთ-ერთ საუკეთესო მოკავშირედ აქცევს.