10 ფრაზა, რომელიც მშობელს დაეხმარება, როცა შვილი არ უსმენს

ადამიანის ბუნებაა მოიქცეს იმის საპირისპიროდ, რასაც ეუბნებიან. ბავშვები ამ მხრივ გამონაკლისი არ არიან. ამის მიუხედავად, სწორად შერჩეული სიტყვები და ინტონაცია შეიძლება მნიშვნელოვანი სხვაობა გახდეს ყოველდღიურ ცხოვრებაში. წარმოგიდგენთ რამდენიმე ფრაზას სხვადასხვა სიტუაციისთვის, რომლებიც დაგეხმარებათ შვილთან ურთიერთობაში.

როცა ბავშვს ჭამა ან ოთახის დალაგება არ უნდა

• თუ ბავშვი უარს ამბობს ჭამაზე ან ვერასდროს ამთავრებს საჭმელს
  უთხარით: “შენ ჯანსაღი მჭამელი ხარ!”
  უმჯობესია შვილი ყოველი ჭამის წინ გაამხნევოთ. უთხარით, რამდენად ამაყობთ მათით და ნუ უწოდებთ კარჩხანებს — ეს სწორი მოტივაცია არ იქნება.
• როცა ბავშვს ოთახის დალაგება არ უნდა
  ჰკითხეთ: “შენით გირჩევნია ამის გაკეთება, თუ გინდა, რომ დაგეხმარო?”
  ფრაზები “გააკეთე ახლავე!” ან “რამდენჯერ გითხარი” ვერც დაეხმარება და ვერც მოტივაციას მისცემს. უმჯობესია არჩევანის საშუალება მისცეთ და არ მიაწვდეთ.
• თუ მუდამ ჭუჭყიანი ჭურჭელია მაგიდაზე
  თხოვეთ: “თუ შეგიძლია, ნიჟარაში ჩააწყვე.”
  თუ ჭამენ და გარბიან, ნუ მიაძახებთ “შეწყვიტე ეს”, “ნუ ტოვებ თეფშს” — უმჯობესია ნაზად და პოზიტიურად სთხოვოთ.

როცა ბავშვი არ ჩქარობს ან ყურადღებას არ გაქცევს

• როცა წასასვლელი ხართ, მაგრამ ბავშვი არ ჩქარობს
  ჰკითხეთ: “გინდა ახლავე გავიდეთ, თუ 10 წუთში?”
  ხანდახან ბავშვები არ იცმევიან და თამაშს განაგრძობენ, მაშინაც კი, როცა გაგვიანდება. შეიძლება მილიონჯერ დააჩქაროთ და გაღიზიანდეთ, მაგრამ ამჯობინეთ სიმშვიდის შენარჩუნება და წყნარად, თავაზიანად ჰკითხოთ.
• თუ ბავშვს არ სურს მოგისმინოთ
  უთხარით: “შენი ქცევები მკარნახობს, რომ დღეს ძალიან დაღლილი ხარ გარეთ გასასვლელად.”
  ბავშვის ქცევა ბევრს ამბობს მის სურვილებსა და განცდებზე. შესაძლოა პირდაპირ არ ამბობდეს, რომ დაიღალა ან მობეზრდა, მაგრამ ტირილი, არ მოსმენა და სათამაშოების მიმოყრა ხასიათს ამჟღავნებს. შვილის ყოველდღიური კეთილდღეობისთვის კომუნიკაცია გადამწყვეტია — დაუმყარეთ კავშირი და უთხარით, რას ფიქრობთ მის განწყობაზე.
• თუ გსურთ ბავშვმა რაღაცის კეთება შეწყვიტოს
  ჰკითხეთ: “შეგიძლია დამეხმარო ამ წიგნის წაკითხვაში?”
  თუ ხედავთ, რომ ისეც თამაშობს ან საშიშ ადგილასაა, ნუ უყვირებთ — ამის მაგივრად გადაიყვანეთ სხვა საქმიანობაზე.

როცა საქმე სურვილებს, წახალისებას და სიყვარულს ეხება

• როცა ბავშვს კიდევ ერთი სათამაშო უნდა, მაგრამ ბიუჯეტი არ გყოფნით
  შესთავაზეთ: “მოდი, დავამატოთ ეს სათამაშო შენი დაბადების დღის სურვილების სიას.”
  თუ ბიუჯეტი შეზღუდულია, არ უთხრათ “არა, საკმარისია!” — ეს გულს გაუტეხავს. სიის იდეა კი მას მომავლისკენ მიმართავს.
• როცა როგორც იქნა აკეთებს იმას, რაც გინდოდათ
  უთხარით: “მადლობა მოსმენისთვის. ძალიან კარგად მოიქეცი, რომ ეს გააკეთე.”
  როცა რაღაცას გააკეთებს, თუნდაც ბევრი მცდელობის შემდეგ, ნუ დააიგნორებთ მის კარგ ქცევას — ეს სამომავლოდ მოტივაციას მისცემს.
• თუ გსურთ განუმტკიცოთ თვითდაჯერება
  უთხარით: “ეს ყველაფერი სულ შენით გააკეთე!”
  შეაქეთ კარგი საქციელისა და დამოუკიდებლობისთვის. დადებითი რეაქცია ბავშვის ჩამოყალიბებაში უმნიშვნელოვანეს როლს თამაშობს.
• აჩვენეთ სიყვარული მაშინაც კი, როცა არ გისმენთ
  უთხარით: “ძალიან მიყვარხარ და ძალიან მომწონხარ, როცა…”
  კოცნასა და ჩახუტებაზე უარის თქმა ბავშვის ცუდი საქციელის დროს სიტუაციას ვერ გამოასწორებს. ასიამოვნეთ მას, მოუწოდეთ მოსმენისკენ, დაუჯექით გვერდით და გამოტყდით სიყვარულში.

დასკვნა

ბავშვთან ურთიერთობა ყოველთვის მოთმინებასა და სიბრძნეს მოითხოვს. სწორი სიტყვა სწორ მომენტში შეიძლება გაცილებით ეფექტური აღმოჩნდეს, ვიდრე გამეორება თუ ყვირილი. ეცადეთ ამ ფრაზები ყოველდღიურ ცხოვრებაში გამოიყენოთ და ნახავთ, რომ თანდათანობით კომუნიკაცია შვილთან უფრო ბუნებრივი და სასიამოვნო გახდება.