სახლის პირობებში ცხიმიანი კანის მოვლა — ეფექტური პროცედურები და ნიღბები

მემკვიდრეობითი ფაქტორი მნიშვნელოვნად განსაზღვრავს კანის ტიპს, ფერს, მგრძნობელობასა და მიდრეკილებას კანის გარკვეული პრობლემებისადმი. თუმცა, მარტო მემკვიდრეობის ცოდნა საკმარისი არ არის. კანის ჯანმრთელობისათვის კვების რაციონი და კანის მოვლის მეთოდებიც მნიშვნელოვანი ფაქტორებია. კანის ტიპის დადგენა მნიშვნელოვანია, რათა ისწავლო, თუ როგორ მოუარო კანს სწორად და ეფექტურად.

ცხიმიანი კანი და მისი მიზეზები

ცხიმიანი კანი ხშირად გენეტიკურია ან ჰორმონული ცვლილებებითაა გამოწვეული. ორგანიზმი გამოყოფს ჰორმონებს, რომლებიც გარდატეხის ასაკში, მენსტრუაციის, ორსულობისა და მენოპაუზის დროს კანის ცხიმიანობას იწვევს. ამგვარი ცვლილებებისას ორგანიზმი მეტ ცხიმს გამოყოფს, რომელიც კანის მკვდარ უჯრედებთან ერთად ბლოკავს ფორებს. თუმცა, ამავე დროს ის ატენიანებს კანს და ნაოჭების გაჩენას აფერხებს.

ცხიმიან კანს განსაკუთრებული მოვლა სჭირდება. ის ცოტათი უსიცოცხლო და მოუქნელია და ახასიათებს ფერიმჭამელები და აკნე. სწორედ ამიტომ მნიშვნელოვანია სახის მოვლის ისეთი მეთოდის გამოყენება, რომელიც კანს აბალანსებს და ფორებს ასუფთავებს. კანის მოვლის ეფექტური მეთოდები სახლის პირობებში დაგეხმარებათ სწორი რუტინის ჩამოყალიბებაში.

ყოველდღიური მოვლა და გაწმენდა

გარდა ჩვეულებრივი პირის დაბანისა, ცხიმიანი კანისთვის საჭიროა სახის გაწმენდა ერთპროცენტიანი ნიშადურის სპირტისა და წყლის ნარევით. ეს ნიღები მარტივად მზადდება: უნდა ავიღოთ 100 წილი წყალი და 1 წილი ნიშადურის სპირტი. დაბანილ და გაწმენდილ სახეზე უნდა გადავისვათ ნაკლებცხიმოვანი მალამო, ხოლო შემდეგ მშრალი პუდრი.

- რეკლამა -

ღამე, ძილის წინ, სახე გავიწმინდოთ შემდეგი შემადგენლობის ხსნარში დასველებული ბამბით:

• სპირტი — 1.5 სუფრის კოვზი
• წყალი — 2 სუფრის კოვზი
• ბორის მჟავა — 1/6 ჩაის კოვზი

ცხიმოვან სახეზე დროგამოშვებით უნდა დადოთ ქატოს ნიღაბი. 1 ჩაის კოვზ ცაცხვის გამხმარ ყვავილებს დაასხით ნახევარი ჩაის ჭიქა მდუღარე წყალი და ჭურჭელი დახურეთ. 1-2 საათის შემდეგ გაწურეთ, ნაყენში ჩაასხით ნუშის ქატო ისე, რომ სქელი ფაფა გამოვიდეს. ეს ფაფა დაიდეთ სახეზე 15-20 წუთით, შემდეგ დაიბანეთ ნელთბილი წყლით და წაისვით მშრალი პუდრი.

პარაფინის ნიღაბი ცხიმიანი კანისთვის

ცხიმიან სახეზე განსაკუთრებით მიზანშეწონილია პარაფინის ნიღბის დადება. ბევრმა არ იცის, რომ ამ პროცედურების ჩატარება სახლის პირობებშიც შესაძლებელია და შედეგი საკმაოდ შთამბეჭდავია. ნიღბის დადების წინ სახე უკვე დამუშავებული, ანუ დაბანილი და ცხიმოვანი მალამოწასმული უნდა იყოს.

პარაფინი ან თეთრი სანთელი გაათბეთ ორთქლის აბაზანაზე. სურვილისამებრ შეგიძლიათ პარაფინს დაამატოთ:

• A და E ვიტამინების 2-2 წვეთი
• ალოეს წვენის 3-4 წვეთი
• პროპოლისის ნაყენის 3-4 წვეთი

გამათბარი პარაფინი წაისვით სახეზე სპეციალური ჯაგრისით, სამ-ოთხჯერ განმეორებით. მოარიდეთ თვალის ირგვლივ წასმას. პარაფინწასმულ ადგილებზე დაიფინეთ ბამბა ან რბილი ქსოვილი, რათა სითბო შეინარჩუნოთ. ამის შემდეგ სახეს ფენა-ფენად მოაცილეთ გამაგრებული პარაფინი, რომელიმე ემულსიით გაიწმინდეთ სახე და წაისვით პუდრი.

- რეკლამა -

მნიშვნელოვანია გახსოვდეთ: პარაფინის პროცედურების ჩატარება არ შეიძლება კანის ჩირქოვანი ანთების, ნაკაწრების, სისხლძარღვოვანი ქსელებისა და გამონაყარის დროს.

დასკვნა

ცხიმიანი კანის მოვლა სწორი მეთოდებით სავსებით შესაძლებელია სახლის პირობებში. ყოველდღიური გაწმენდის, ქატოს ნიღბისა და თვეში ორჯერ ჩატარებული პარაფინის პროცედურის კომბინაცია კანს დაიცავს, ფორებს გაასუფთავებს და ელასტიურობას შეუნარჩუნებს. მთავარია სისტემატურობა და კანის ინდივიდუალური მახასიათებლების გათვალისწინება.