თუ 40 წელს გადააბიჯე, ეს 3 სავარჯიშო შენი ყოველდღიური რიტუალი უნდა გახდეს

დაბერებას ვერავინ გაექცევა, მაგრამ არსებობს ნაბიჯები, რომლებიც შეგიძლიათ გადადგათ, რათა დაავადებებმა, ნაოჭებმა და სხვა არასასურველმა პრობლემებმა რაც შეიძლება გვიან შეგაწუხოთ. აღმოსავლელმა ბრძენებმა კარგად იცოდნენ, როგორ უნდა შეენარჩუნებინათ ახალგაზრდობა და სასიამოვნო განწყობა დიდი ხნის განმავლობაში. გთავაზობთ 3 სავარჯიშოს ვარმა ჯულიეტისგან, რომლებიც კისრისა და სახის არეში შესამჩნევ შედეგს მოგიტანთ. ვარმა ჯულიეტი ვედური მეცნიერების მიმდივარია, რომელმაც მსოფლიო შემოიარა და სიღრმისეულად შეისწავლა იოგა და ვედური ტრაქტატები.

სახის კანის გახალგაზრდავება

ეს სავარჯიშოები პირველ რიგში 40 წლის ასაკის ქალებისთვისაა განკუთვნილი, თუმცა პროფილაქტიკის მიზნით მათი შესრულება 28 წლიდანვეა შესაძლებელი. სავარჯიშოები დაარეგულირებს შინაგან წნევას, გაასწორებს ნაოჭებს და გააძლიერებს კისრის კუნთებს.

სავარჯიშოების შესრულებამდე მოიშორეთ დეკორატიული კოსმეტიკა და ხელ-პირი კარგად დაიბანეთ.

გიმნასტიკა სახის კანის გახალგაზრდავებისთვის

ქვემოთ მოცემული სავარჯიშოები მიმართულია სახის სხვადასხვა ზონის კუნთების გასაძლიერებლად და კანის ელასტიურობის აღსადგენად. გამოიყენეთ ისინი კომპლექსურად საუკეთესო შედეგისთვის. ეს გამოცდილი ძველი ბრძენების სავარჯიშოების მსგავსი მიდგომაა, რომელიც საუკუნეების განმავლობაში ეფექტურად მუშაობს.

- რეკლამა -

• ტუჩების კუნთებისთვის: მაქსიმალურად დაჭიმეთ ტუჩები, მიეცით ბეჭდის ფორმა და გააღეთ პირი. პირველ დღეს ორჯერ გააკეთეთ და ყოველდღე ერთით გაზარდეთ.
• თვალების გარშემო ნაოჭებისთვის: დახუჭეთ თვალები და დაიწყეთ მათი ტრიალი თითო მხარეს 10-ჯერ. ტუჩებით გამოხატეთ სიხარული და მწუხარება 5-დან 7-ჯერ.
• შუბლის ნაოჭებისთვის: ხელებით მოუჭირეთ შუბლს ზევიდან და ქვევიდან. დახუჭეთ თვალები და დაატრიალეთ თითო მხარეს 5-ჯერ.
• სახის კონტურისთვის: გაბერეთ ლოყები 5 წამით, შემდეგ ნელა გამოუშვით ჰაერი. სავარჯიშო გაიმეორეთ 10-ჯერ.
• კისრის გახალგაზრდავებისთვის: გადახარეთ თავი უკან, მოადუნეთ კუნთები და ფართოდ გააღეთ პირი. ნიკაპის მეშვეობით ამოძრავეთ ყვა. გაიმეორეთ 5-ჯერ.

სავარჯიშოები კისრის კუნთებისა და ნიკაპისთვის

კისრის კუნთების მოდუნებისა და გაძლიერებისთვის შეასრულეთ შემდეგი სავარჯიშოები. ეს კისრის ტკივილის საწინააღმდეგო მოძრაობების კარგი დამატებაა ყოველდღიური გამაჯანსაღებელი რუტინისთვის.

1. ადექით, ქუსლები შეაერთეთ, ხელები დაუშვით და მოდუნდით. ზურგი სწორად გეჭიროთ, დაძაბულობის გარეშე.
2. ნელა ატრიალეთ თავი მარჯვნივ და მარცხნივ, შემდეგ დაბლა დახარეთ და მაღლა აწიეთ. ეს კისრის კუნთების მოდუნებაში დაგეხმარებათ.
3. ნელა ატრიალეთ თავი და მარჯვენა და მარცხენა მხარეს 5-7 წამით დააფიქსირეთ.
4. ვარჯიშის დროს ცხვირით ისუნთქეთ და ყურადღება მთლიანად კისრისკენ მიმართეთ.

პირველ კვირაში სავარჯიშო 5-ჯერ შეასრულეთ, მეორეში 6-ჯერ, მესამეში 8-ჯერ და ასე გააგრძელეთ, სანამ 25 გამეორებამდე არ ახვალთ.

ნიკაპისთვის განკუთვნილი სავარჯიშო: ქვედა ტუჩი კბილებისკენ გაწიეთ და პირისკენ მიზიდეთ, ნიკაპი კი პირდაპირ მიმართეთ. ყბა ატრიალეთ მარჯვნივ და მარცხნივ. შეასრულეთ 5-ჯერ და ყოველდღიურად გაზარდეთ ბრუნვის რაოდენობა.

სავარჯიშოების შესრულების შემდეგ, დამუშავებული ზონა ცივი წყლით მოიბანეთ და მკვებავი კრემი წაისვით. რეგულარული კეთებიდან უკვე 7 დღეში შეამჩნევთ დადებით შედეგს — კანს ჯანსაღი ფერი მიეცემა და გაცილებით ელასტიური გახდება.