ასტრაგალუსის სამკურნალო თვისებები და გამოყენების რეცეპტები

საკვირველია, რა ცოტა რამ ვიცით მცენარე ასტრაგალუსზე. ეს ბალახი ჯერ კიდევ ათასი წლის წინ გამოიყენებოდა სახალხო მკურნალების მიერ. მას “უკვდავების ბალახსაც” უწოდებდნენ და წამლის რეცეპტს საიდუმლოდ იყენებდნენ. ასტრაგალუსის შესახებ ინფორმაცია გასაიდუმლოებული იყო საბჭოთა კავშირშიც — ამბობენ, რომ სტალინის მითითებით, რომელსაც ათეროსკლეროზი სჭირდა, ასტრაგალუსის სამკურნალო თვისებები წარმატებით გამოსცადეს. მხოლოდ ჩვენ დროში გაიგეს ასტრაგალუსის სამკურნალო თვისებებზე ჩვეულებრივმა ადამიანებმაც და ის ახლა გაცილებით უფრო ხელმისაწვდომია, ვიდრე თუნდაც ათი წლის წინ.

ასტრაგალუსის შემადგენლობა და სამკურნალო თვისებები

ასტრაგალუსში აღმოჩნდა კალციუმი, რკინა, სელენი, მაგნიუმი, კობალტი, თუთია, ქრომი და სხვა მნიშვნელოვანი მინერალები. ამ მდიდარი შემადგენლობის წყალობით, მას წარმატებით იყენებენ ღვიძლის, თირკმლების და გულ-სისხლძარღვთა სისტემის დაავადებებისას. ბალახით მკურნალობენ თავის ტვინისა და ნერვული სისტემის დაავადებებსაც.

დღესდღეობით ასტრაგალუსს ონკოლოგიური დაავადებების მკურნალობის დროსაც იყენებენ, ვინაიდან ამ ბალახს სიმსივნის საწინააღმდეგო ეფექტიც გააჩნია. ის ასევე ხელს უშლის კარდიომიოპათიის განვითარებას. ასტრაგალუსის ნაყენი გამოიყენება არტერიული წნევის ნორმალიზაციისთვის — დამტკიცებულია, რომ მისი გამოყენება სისხლძარღვებს აფართოებს და აჩქარებს სისხლმიმოქცევას. გარდა ამისა, ბალახის ნახარში შესანიშნავი ანტიდეპრესანტია, აქვს ოფლმდენი და შარდმდენი თვისებები, ანელებს დაბერებას და აახალგაზრდავებს კანს.

გამოყენების რეცეპტები

ხალხურ მედიცინაში მრავალი რეცეპტი შემოინახა, რომლებიც საშუალებას გვაძლევს ასტრაგალუსისგან მივიღოთ მაქსიმალური სარგებელი. სამკურნალო მწვანილები ტრადიციულ მედიცინაში ყოველთვის პატივსაცემი იყვნენ, და ასტრაგალუსი ამ მხრივ გამონაკლისი არ არის.

- რეკლამა -

• ჰიპერტონიის დროს: ერთ ჭიქა ცხელ წყალში დაამატეთ 2 სუფრის კოვზი ასტრაგალუსი და გააჩეროთ წყლის აბაზანაზე 2 წუთი. გადაწურეთ, გააციეთ და მიიღეთ 2 სუფრის კოვზი დღეში სამჯერ, ჭამამდე. კურსი ექვსკვირიანია.
• ათეროსკლეროზის დროს: ასტრაგალუსის სუფთა თესლს ასხამენ არაყს ან სპირტს 1:3 პროპორციით და დგამენ 2 კვირა. იღებენ ნაყენის 30 წვეთს დღეში ორჯერ, ჭამის წინ. 10-დღიანი კურსის შემდეგ 10 დღე შეისვენეთ.
• ორგანიზმის ზოგადი გაჯანსაღებისთვის: მცენარისგან გააკეთეთ ჩვეულებრივი ჩაი — დაასხით 2 ჩაის კოვზ ბალახს ერთი ჭიქა მდუღარე წყალი და დადგით რამდენიმე წუთი. თვეში რამდენიმე ასეთი ჭიქა გაიმუნიტეტს გაგიძლიერებთ და გაცივება საერტოდ არ შეგეხებათ.
• სტრესის ან ცუდი განწყობისას: აბაზანას ასტრაგალუსის ნახარში ჩაამატეთ ნებისმიერი ციტრუსის ეთერზეთის რამდენიმე წვეთთან ერთად. დაყავით ასეთ აბაზანაში 20 წუთი და გუნება-განწყობა გაგიუმჯობესდებათ.

უკუჩვენებები და სიფრთხილის ზომები

ასტრაგალუსი, როგორც ნებისმიერი სამკურნალო ბალახი, მოითხოვს გარკვეულ სიფრთხილეს. ფიტოთერაპევტები დარწმუნებულნი არიან, რომ ასტრაგალუსი უკუნაჩვენებია შემდეგ შემთხვევებში:

• ორსულობის პერიოდში
• ალერგიული რეაქციების არსებობისას

თუ გსურთ დამატებით გაეცნოთ სამკურნალო ბალახებზე დაყრდნობილ ჯანმრთელობის გაუმჯობესების მეთოდებს, ცოცხალი ფერმენტების სამკურნალო ძალის შენარჩუნების შესახებ სტატია კიდევ ბევრ სასარგებლო ინფორმაციას შემოგთავაზებთ.

როდესაც ვხედავთ ასტრაგალუსის ასეთ დიდ და მრავალფეროვან სარგებლობას, ცხადი ხდება, რომ ბუნებას ნებისმიერი საშუალება აქვს ნებისმიერი დაავადებისგან დასაცავად. უბრალოდ, ადამიანი უნდა იყოს ახლოს ბუნებასთან და გაუფრთხილდეს მას.