თაკო ნაცვლიშვილი — ქართველი მოდელი, რომელმაც მსოფლიო დაიპყრო

თაკო ნაცვლიშვილი ერთ-ერთი პირველი ქართველი მოდელია, რომელმაც მსოფლიოს წამყვან ბრენდებთან ითანამშრომლა და თავისი ნიჭით საერთაშორისო სცენაზე საქართველო ღირსეულად წარადგინა. მისი ისტორია ბევრი ახალგაზრდა გოგონასთვის ნამდვილ შთაგონებად იქცა.

კარიერის დასაწყისი

თაკო ნაცვლიშვილი სამოდელო კარიერას 14 წლის ასაკში იწყებს ქართულ სამოდელო სააგენტო “ლუქმოდელს მენეჯმენტში”. ასეთ ახალგაზრდა ასაკში გადადგმული ეს ნაბიჯი მის ბრწყინვალე კარიერის საფუძველი გახდა და ბევრი გოგონასთვის საოცნებო მაგალითად იქცა.

კარიერის დასაწყისშივე მასზე ერთ-ერთი ყველაზე პრესტიჟული საერთაშორისო სამოდელო სააგენტო, Next Models, დაინტერესდა, რომელთანაც მალევე გააფორმა კონტრაქტი. ულამაზესი ქართველი მოდელის, ლიზა კობერიძის მსგავსად, თაკომაც დიდ საერთაშორისო სტრუქტურასთან თანამშრომლობამ კარი გაუღო მსოფლიო მოდის ელიტურ წრეებში.

მსოფლიო ბრენდებთან თანამშრომლობა

Next Models-თან კონტრაქტის გაფორმების შემდეგ თაკო ნაცვლიშვილმა ისეთ გიგანტ სახელებთან ითანამშრომლა, რომლებიც მოდის სამყაროს სიმბოლოებად ითვლება. მათ შორის არიან:

- რეკლამა -

• ვერსაჩე
• არმანი
• ელი სააბი
• რალფ და რუსო
• ზუჰაირ მურადი
• დიორი
• ჩალაიანი
• იამამოტო

არმანის შემოქმედება მოდის სამყაროში განსაკუთრებულ ადგილს იკავებს და სწორედ ამ სახლთან თანამშრომლობა თაკოს კარიერის ერთ-ერთ გამორჩეულ გვერდად რჩება.

სიძნელეები პროფესიულ გზაზე

მიუხედავად მსოფლიო ბრენდებთან თანამშრომლობისა და არაერთი წარმატებისა, სირთულეები და წინააღმდეგობები ასევე მისი პროფესიის განუყოფელი ნაწილია. თაკო ნაცვლიშვილი ამის შესახებ გულახდილად საუბრობს: “მოდა რთული სფეროა, წინააღმდეგობებით სავსე.”

ამჯერად თაკო ნაცვლიშვილი სოციალურ ქსელში ახალი, საოცარი ფოტოსესიის კადრებს უზიარებს თავის გულშემატკივრებს, კიდევ ერთხელ ავლენს რა თავის უნიკალურ სტილსა და მიმზიდველობას.

თაკო ნაცვლიშვილის მაგალითი ცხადყოფს, რომ ნიჭი, შრომა და მიზანდასახულობა ნებისმიერი სიძნელის გადალახვის საუკეთესო იარაღია. ის კვლავ რჩება ქართული მოდის ერთ-ერთ ყველაზე ნათელ სახელად საერთაშორისო ასპარეზზე.