ძილის წინ ვახშმობა გიწევს? ეს სტატია შენთვისაა

გავრცელებულია შეხედულება, რომ ძილის წინ საკვების მიღება მუცელში დუღილს იწვევს და ღამით, სიმოძრაოვის სიმცირის გამო, ყველა კალორია მუცლის ცხიმად გარდაიქმნება. სიმართლე კი ისაა, რომ ეს ორივე მოსაზრება მხოლოდ მითია — და ამ სტატიაში სწორედ ამ მითებს გავარჩევთ.

კალორიულობა არ იცვლება დღის მონაკვეთის მიხედვით

საქმე იმაშია, რომ პროდუქტების კალორიულობა მუდმივი სიდიდეა და არ იცვლება იმის მიხედვით, დღის რომელ ნაწილში მიირთმევთ საკვებს. ყველაფერი დამოკიდებულია იმაზე, თუ რას და რა რაოდენობით ჭამთ. არსებობს პროდუქტები, რომელთა მიღება ძილის წინ ნამდვილად არასასურველია, ვინაიდან ისინი ხელს უწყობენ დუღილის პროცესს. ასეთია:

• პარკოსნები
• შავი პური
• კომბოსტო და სხვა ცოცხალი ბოსტნეული

გარდა ამისა, ტკბილი, ცხარე და ცხიმიანი საკვები იწვევს ნერვული სისტემის აღგზნებას. შესაძლოა სისხლში მოიმატოს ნორადრენალინის დონემ, რაც თავის მხრივ უძილობას განაპირობებს. ამიტომ ძილის წინ რას მიირთმევთ, ნამდვილად მნიშვნელობა აქვს.

ეს ღრმად ინდივიდუალური საკითხია

შეიძლება თუ არა ძილის წინ მირთმევა — ეს ღრმად ინდივიდუალური საკითხია და მჭიდრო კავშირშია შენს კვებით ჩვევებთან. თუ საუზმობ შუადღით, სადილობა ბუნებრივად გვიანდება. თუმცა ამ საკითხში მთავარია მუდმივი რეჟიმის შენარჩუნება. როგორ განრიგსაც შეეჩვევა შენი ორგანიზმი და კერძოდ საჭმლის მომნელებელი სისტემა, ის უნდა შეინარჩუნო.

- რეკლამა -

პრობლემა ხშირად სხვაგან მდგომარეობს: ადამიანები ღამე იკვებებიან მავნე, ცხიმიანი კერძებით ან ფასტ ფუდით. ბევრს უყვარს ტელევიზორთან არაჯანსაღი საკვებით ცმუცვნა. სწორედ ეს ჩვევა იწვევს წონაში მატებას და კუჭ-ნაწლავის მოქმედების დარღვევას.

რის მირთმევა შეიძლება გვიან ღამით

თუ ღამე ჭამა მაინც გიწევთ, გაითვალისწინეთ, რომ მიღებული პორციის კალორიულობა არ უნდა აღემატებოდეს დღიური ნორმის მეოთხედს. ასეთ შემთხვევაში ურჩევნია მსუბუქი კერძები, მაგალითად:

• კვერცხის ცილის ომლეტი (კვერცხის გული საუზმისთვის გადაინახეთ)
• ერთი პატარა მუჭა ნიგოზი ან თხილეული
• ხაჭო ან ბერძნული იოგურტი

თუ უძილობა გაწუხებთ, სჯობს მიირთვათ ისეთი პროდუქტები, რომლებიც ბევრ მელატონინს შეიცავს, მაგალითად ალუბალი, ნიგოზი ან სიმინდის ფაფა.

თუ ადამიანს სისტემატურად უნდება ღამე ჭამა, ეს ხშირად მიუთითებს იმაზე, რომ დღის განმავლობაში ის არასაკმარის რაოდენობის ცილას იღებს. ამ შემთხვევაში მნიშვნელოვანია სწორი კვების რეჟიმი — მეტი კვერცხი, ქათმის ხორცი ან თევზი. ასევე გამოსადეგია ნელი მოქმედების ნახშირწყლები, მაგალითად სხვადასხვა სახის ფაფა.

მოუსმინე შენს ორგანიზმს

მიიღეთ დღის განმავლობაში იმდენი კალორია, რომ ღამე ჭამის სურვილი თავისთავად გაქრეს. სწორი კვების რეჟიმი, ცილოვანი პროდუქტების საკმარისი რაოდენობა და მუდმივი განრიგის დაცვა — ეს სამი პრინციპი გეხმარება ორგანიზმის ბალანსის შენარჩუნებაში. ყური უგდეთ თქვენს სხეულს, გაუფრთხილდით მას და ჯანმრთელობა თავად იზრუნებს დანარჩენზე.

- რეკლამა -