ბევრი ფიქრობს, რომ იოდის გარეგნული გამოყენება მკერდის გაზრდაში დაეხმარება. ეს მთლად ასე არაა. იოდი მართლაც უმნიშვნელოვანესია ქალის ორგანიზმისათვის, როგორც მიკროელემენტი. მისი ნაკლებობა ფარისებრი ჯირკვლის ფუნქციებს არღვევს, ჰორმონების გამომუშავებას ანელებს, რომლებიც ქალის სილამაზეზე აგებენ პასუხს. ამაშია საიდუმლო.
იოდის ნაკლებობა
ადამიანის ორგანიზმი იოდს არ გამოიმუშავებს, ის მას ყოველდღიური საკვებით იღებს. იმის გარკვევა, საკმარისი რაოდენობა ხვდება თუ არა თქვენს სხეულში, მარტივი პროცედურით შეგიძლიათ. ნეგატიური შედეგის შემთხვევაში მიიღეთ ზომები რათა ამ მიკროელემენტის დეფიციტი აინაზღაუროთ.
ჩაიტარეთ ტესტი იოდით. გამოგადგებათ ჩვეულებრივი სამედიცინო იოდი, რომელიც აფთიაქში იყიდება.
ძილის წინ მარჯვენა ხელის მაჯაზე იოდში ამოვლებული ბამბის ჩხირით 3 ხაზი გაავლეთ, თითოეული 10 სმ-ის: ფართო, საშუალო სისქის და წვრილი. თუ დილით ვერცერთ ხაზსს ვეღარ შენიშნავთ, მიმართეთ ენდოკრინოლოგს.
თუ მხოლოდ ფართო ხაზი დარჩა, გადახედეთ რაციონს. თქვენ არასაკმარისი რაოდენობის იოდს იღებთ. ყველაზე მეტი ის ზღვის კომბოსტოში, გამომცხვარ კარტოფილში, ხურმაში, ბროკოლში და რძეშია. ასევე, ჩვეულებრივი მარილის ნაცვლად იოდიზირებული იყიდეთ და სალათებში ის დაამატეთ.
თუ მხოლოდ ყველაზე თხელი ხაზი გაქრა, ყველაფერი რიგზეა.
იოდი სხვა ვიტამინებთან და მიკროელემენტებთან ერთად მიიღეთ. ვიტამინები C,D,B,E იოდს ეხმარებიან უფრო მეტად ეფექტური იყოს.
ფარისებრი ჯირკვლის ჰორმონებს ახალგაზრდობის ჰორმონებსაც უწოდებენ. ამიტომაც იოდის ნაკლებობის დროს ქალის მდგომარეობის ცვლილება ლოგიკურია.
