სამი ინგრედიენტის დიეტა — მინუს 10 კილოგრამი

როგორ გავხდეთ სწრაფად, ჯანმრთელობისთვის ზიანის მიყენების და განწყობის გაფუჭების გარეშე? თუ გიყვართ შვრია, ხაჭო და ვაშლი, მაშინ ეს დიეტა სწორედ თქვენთვისაა. მხოლოდ ეს სამი პროდუქტი დაგეხმარებათ გახდეთ ისე, რომ თავი სრულად დანაყრებულად იგრძნოთ. გამოემშვიდობეთ საკუთარ თავზე ძალადობას, ძალდატანებით შეზღუდვებს და მუდმივ ცუდ განწყობას.

მნიშვნელოვანი შენიშვნები დასაწყისში

სამი პროდუქტის ამ დიეტასაც აქვს თავისი უკუჩვენებები, რომელთა შესახებაც უნდა იცოდეთ, სანამ საკუთარ თავზე გამოსცდით. თუ სერიოზული დაავადებები გაქვთ, ჯერ ექიმ-სპეციალისტს მიმართეთ. დიეტოლოგები ამ კვების რეჟიმის დაცვისას პირველი 4-5 დღის მანძილზე კეფირის დამატებასაც გვირჩევენ. 10 დღის შემდეგ ნებისმიერი დისკომფორტი და უსიამოვნო შეგრძნებები გაქრება.

სამი ინგრედიენტის განსაკუთრებულობა

ამ დიეტის საფუძველია სამი მარტივი, ხელმისაწვდომი და ძალიან სასარგებლო პროდუქტი, რომელთაგან თითოეულს განსაკუთრებული როლი აქვს.

• შვრია — ნახშირწყლების ძირითადი წყაროა. მისი წყალობით შიმშილის გრძნობა აღარ გაქვთ და კუჭის ფუნქციონირებაც საგრძნობლად უმჯობესდება. შვრია საჭმლის მომნელებელ სისტემას ასუფთავებს და ორგანიზმიდან საკვების ნარჩენებს გამოდევნის. შვრიით საუზმე ორგანიზმს კარგად დაანაყრებთ — მოხარშეთ წყალში, შაქრისა და მარილის გარეშე. გემოს გასაუმჯობესებლად შეგიძლიათ ჩაამატოთ დარიჩინი ან ერთი ჩაის კოვზი თაფლი.
• ვაშლი — აირჩიეთ ყვითელი ან მწვანე, არატკბილი, მაგრამ წვნიანი. ეს ხილი ორგანიზმს წმენდს და მდიდარია ვიტამინებითა და მინერალებით. ვაშლი ანელებს დაბერების პროცესს, აძლიერებს ნერვულ სისტემას და არეგულირებს ნივთიერებათა ცვლას.
• ხაჭო — იყიდეთ ჩვეულებრივი, მაგრამ არა უცხიმო. კალციუმი და ფოსფორი ძვლებს, ფრჩხილებსა და კბილებს გაგიმაგრებთ. ხაჭო ცილის საუკეთესო წყაროა და კუნთოვანი მასის შესანარჩუნებლად შესანიშნავია — სწორედ ამიტომ სპორტსმენებს ის განსაკუთრებით უყვართ.

დიეტის ზუსტი მენიუ

კვების გეგმა მარტივია და ადვილად მისაყოლებელი ყოველდღიურ რიტმს. 5 დღეში მინუს 5 კილოგრამის მსგავსად, აქაც მთავარია პროდუქტების სიმარტივე და თანმიმდევრობა:

- რეკლამა -

• საუზმე: შვრია წყალზე 2 ვაშლით, შაქრისა და მარილის გარეშე.
• სადილი: 100 გ ხაჭო დარიჩინითა და ვაშლით, 2 ვაშლი დესერტად.
• ვახშამი: 100 გ ხაჭო და 3 ვაშლი, ბალახის ჩაი ჰვირილით, შაქრის გარეშე.

ვაშლი შეგიძლიათ ხაჭოსთან და სუნელებთან ერთად გამოაცხოთ, ასევე მოამზადოთ კოქტეილები ბლენდერში შვრიისგან, ვაშლისა და დარიჩინისგან, ან დაამზადოთ გემრიელი ვაშლის სმუზი. გემრიელ საკვებზე უარის თქმა სულაც არ არის საჭირო, თუ სწორად მიუდგებით პროდუქტების მომზადებას. ყოველდღე დალიეთ მინიმუმ ნახევარი ლიტრი სითხე — ეს შეიძლება იყოს მინერალური წყალი ან მცენარეული ჩაი.

სამი ინგრედიენტის ეს დიეტა არის მარტივი, ხელმისაწვდომი და ეფექტური გზა წონის სწრაფად შესამცირებლად. მთავარია, პროდუქტები ხარისხიანი იყოს, კვება რეგულარული, ხოლო წყლის მიღება — სავალდებულო. ჯანმრთელობის ფონზე ამ კვების რეჟიმის დაცვა 10 დღის განმავლობაში შეიძლება საგრძნობი შედეგის მომტანი გახდეს.