გამოცდილი დიასახლისების საიდუმლოები: 17 ხრიკი გემრიელი კერძებისთვის

ყველა დიასახლისი ოცნებობს, მისი კერძები გემრიელი და ლამაზი გამოვიდეს. თუმცა ზოგჯერ გამოცდილ დიასახლისებსაც ემართებათ გარკვეული მარცხი სამზარეულოში. ამის თავიდან ასაცილებლად საჭიროა ყველამ იცოდეს გარკვეული ხრიკები, რაც დიდ სარგებელს მოუტანს. ხშირად სწორედ წლების გამოცდილება იძლევა ამ ცოდნას. ჩვენ გთავაზობთ სამზარეულოს პრაქტიკულ წესებს, რომელთა გათვალისწინება წარმატებას მოგიტანთ გემრიელი კერძების შექმნაში.

ხორცი, ფარში და კატლეტები

ხორცის, ფარშისა და კატლეტების სწორად მომზადება ხშირად გარკვეულ ხრიკებს მოითხოვს. გამოცდილი დიასახლისების კულინარული საიდუმლოებანი სწორედ ამ სირთულეების გადაჭრაში გვეხმარება.

• იმისათვის, რომ დაბეგვილი ხორცი ნაზი გამოვიდეს, ის ერთი საათით მოათავსეთ ძმრისა და ზეთის ნარევში — პროპორციით 1:1.
• კატლეტი რომ წვნიანი გამოვიდეს, ფარშში დაამატეთ თანაბარი რაოდენობით წვრილად დაჭრილი უმი და მსუბუქად მოშუშული ხახვი, ასევე გახეხილი უმი კარტოფილი.
• კატლეტი შეწვით მაღალ ცეცხლზე პირველი ერთი წუთის განმავლობაში, შემდეგ ცეცხლს ჩაუწიეთ. ხუთი წუთის შემდეგ კატლეტი გადააბრუნეთ და კვლავ მოუმატეთ ცეცხლს ნახევარი წუთის განმავლობაში.
• ბებერი და მაგარი ქათმის ფილე ადვილად მოიხარშება, თუ 20 წუთი ხარშვის შემდეგ ის ხუთი წუთით ცივ წყალში მოათავსებთ, შემდეგ კი ხარშვას გააგრძელებთ.

თევზი, ბოსტნეული და ბულიონი

ბულიონის, თევზისა და ბოსტნეულის მომზადებაშიც არსებობს მარტივი, მაგრამ ძალიან ეფექტური ხერხები, რომლებიც კერძის გემოსა და გარეგნობას მნიშვნელოვნად აუმჯობესებს.

• თუ ვერ მოასწარით ბულიონისთვის ქაფის მოხდა, ქვაბში ჩაასხით ერთი ჭიქა მდუღარე წყალი — ქაფი ამოტიტივდება და შეგიძლიათ მოხადოთ.
• ბულიონი გამჭვირვალე რომ გამოვიდეს, ხარშვისას დაამატეთ გარეცხილი კვერცხის ნაჭუჭი, შემდეგ კი ბულიონი გადაწურეთ.
• იმისათვის, რომ თევზი შეწვის დროს არ დაიშალოს და ხრაშუნა ქერქი ჰქონდეს, დაასველეთ ქაღალდის ხელსახოცით და მაშინვე დამარილეთ.
• თევზის შეწვის დროს უსიამოვნო სუნის ასარიდებლად, ზეთში მოათავსეთ გაფცქვნილი და დაჭრილი უმი კარტოფილი.
• გახეხილ უმ კარტოფილს შეურიეთ ცოტა რძე, რათა ის არ გაშავდეს.
• ძველ კარტოფილს ხარშვის დროს დაამატეთ ერთი ჩ. კ. ვაშლის ძმარი, დაფნის ფოთოლი და ორი კბილი ნიორი, ან მოხარშეთ ბულიონში.
• ლობიო არ გაშავდება, თუ მას თავახდილ ქვაბში მოხარშავთ.
• მჟავე კომბოსტოს სალათის მომზადებისას ვაშლის ნაცვლად დაამატეთ რამდენიმე ნაჭერი ფორთოხალი ან მანდარინი.
• სალათს ზეთი მას შემდეგ დაასხით, რაც მოაყრით მარილსა და პილპილს.
• თუ გსურთ კომპოტი მალე გაცივდეს, კომპოტიანი ქვაბი ჩადგით უფრო დიდ ქვაბში, რომელშიც ყინულიანი წყალი და მსხვილი მარილია.

ცომი, საცხობი და სხვა საინტერესო ხრიკები

სამზარეულოში ბევრი წვრილმანი დეტალი განაპირობებს საბოლოო შედეგს. რჩევები, როგორ დაზოგოთ დრო სამზარეულოში მუშაობისას — ეს ცოდნა ყოველდღიურ კულინარიაში ნამდვილად გამოგადგებათ.

- რეკლამა -

• საფუარიანი ცომი რბილი გამოვა, თუ მას დაამატებთ მოხარშულ წვრილად გახეხილ კარტოფილს.
• ცომი მალე ამოვა, თუ მასში ჩაარჭობთ რამდენიმე ღრუს მქონე მაკარონს.
• გამოცდილი დიასახლისი კისელის მომზადებისას გახსნილ სახამებელს ასხამს არა ქვაბის ცენტრში, არამედ კედლებთან ახლოს.

ეს მარტივი, მაგრამ ეფექტური წესები დაგეხმარებათ ყოველდღიურ კულინარიაში. გამოცდილ დიასახლისებს წლები დასჭირდათ ამ ცოდნის დაგროვებისათვის, ახლა კი ყველა ეს საიდუმლო თქვენს ხელთაა. გამოიყენეთ ისინი, გაუზიარეთ ახლობლებს და ისიამოვნეთ გემრიელი, ლამაზად გაფორმებული კერძებით!