სხეულის გამაახალგაზრდავებელი ვარჯიშები მანტეკ ჩიასგან

ჯანმრთელი ხერხემალი და თირკმელები მთელი ორგანიზმის სიჯანსაღის საფუძველია. შინაგან ორგანოებს არ შეუძლიათ ნორმალური ფუნქციონირება, თუ ხერხემალი სათანადო მდგომარეობაში არ იქნება. სწორედ ამიტომ, ბევრი ადამიანი ეძებს ეფექტურ გზებს საყრდენ-მამოძრავებელი სისტემის გასაჯანსაღებლად. დაოსელი მასწავლებელი და ციგუნის ოსტატი მანტეკ ჩია ამტკიცებს, რომ ზურგის გასამაგრებელ ვარჯიშებს უდიდესი მნიშვნელობა აქვს მთლიანი ორგანიზმისთვის: ისინი დადებითად მოქმედებს წელის მიდამოზე, აჯანსაღებს თირკმელებს და არეგულირებს სხეულის სწორ პოზას.

რა სარგებელს იძლევა ეს ვარჯიშები

მანტეკ ჩიას მიერ შემოთავაზებული ვარჯიშები მარტივი და ხელმისაწვდომია ნებისმიერი ასაკის ადამიანისთვის. ისინი ეხმარება ორგანიზმს შემდეგი სისტემების გაუმჯობესებაში:

• ღვიძლისა და ფილტვების ფუნქციონირება
• თირკმელებისა და კუჭ-ნაწლავის ტრაქტის მუშაობა
• სისხლში ჟანგბადის ცირკულაცია
• სხეულის ბალანსი და სწორი პოზა
• ზოგადი დაღლილობის შემცირება

ვარჯიში მხოლოდ სამი მოძრაობისგან შედგება და მათი შესრულება ყველგან და ნებისმიერ დროს შეიძლება. ვარჯიშით სხეულის განკურნების შესახებ სულ უფრო მეტი სპეციალისტი საუბრობს, და მანტეკ ჩიას მეთოდი ამის ნათელი დადასტურებაა.

სამი ძირითადი ვარჯიში

1. წელისა და თირკმელების განმტკიცება

ეს მოძრაობა ხელს უწყობს წელის გამაგრებასა და თირკმელების გაჯანსაღებას და ეხმარება სხეულს ბალანსის პოვნაში.

- რეკლამა -

1. დადექით სწორად, ტერფები ერთად, ფეხის თითები წინ.
2. დახარეთ ტანი წინ და ქვემოთ, მუხლების მოხრის გარეშე; სახე იყურება ზემოთ.
3. თითები სწვდება იატაკს და შეიგრძნობთ წელის კუნთების დაჭიმვას.
4. გაჩერდით ასე 10 წამი, შემდეგ დაბრუნდით საწყის მდგომარეობაში.
5. გაიმეორეთ ექვსჯერ.

2. ზურგის გასწორება

ეს მოძრაობა აკორექტირებს სწორად დგომას, უზრუნველყოფს მხედველობის ორგანოს კვებას, ათვალებს, ამაგრებს ზურგს, ხსნის გულ-მკერდს და აუმჯობესებს სისხლში ჟანგბადის ცირკულაციას.

1. გაიჭიმეთ და ნელა გადახარეთ კეფა უკან.
2. გაჩერდით ასე 15 წამი; თანაბრად და მშვიდად ისუნთქეთ.
3. გაიმეორეთ დღეში რამდენჯერმე.

3. ხერხემლის ზემოთ გაჭიმვა

ეს ვარჯიში ზრდის ფილტვების მოცულობას, აიოლებს სუნთქვას, აუმჯობესებს ღვიძლის, კუჭის, თირკმლებისა და ნაწლავების მუშაობას, ასტიმულირებს სასქესო ორგანოებს და ხსნის დაღლილობას.

1. დადექით სწორად, ფეხები დაახლოებით 30 სანტიმეტრით დააშორეთ ერთმანეთს.
2. ხელის თითები გადააჯვარედინეთ და გააკეთეთ ნელი, ღრმა ჩასუნთქვა.
3. ხელები თავს ზემოთ ასწიეთ, ხელისგულებით მაღლა; ეცადეთ დადგეთ ფეხისწვერებზე.
4. მზერა მიმართეთ პირდაპირ ან მაღლა.
5. ამოსუნთქვისას ხელები დაბლა ჩამოუშვით.
6. გაიმეორეთ ექვსჯერ.

რატომ არ უნდა გადადოთ

სწორი პოზის კორექცია ამ ვარჯიშებით მარტივად და სწრაფად მიიღწევა. ისინი ასევე ეფექტური საშუალებაა უარყოფითი ემოციების დადებითად გარდაქმნის, სხეულის მტკივნეული დაძაბულობისგან გათავისუფლებისა და ორგანოების გაახალგაზრდავებისთვის. დილის ვარჯიშების რეგულარული შესრულება კი განსაკუთრებით სასარგებლოა გრძელვადიანი შედეგებისთვის.

გახსოვდეთ: მჯდომარე და ნაკლებად მოძრავი ცხოვრების წესი პირდაპირი გზაა დაბერებისა და მთელი ორგანიზმის დაძაბუნებისკენ. ხანდაზმული ასაკი კი სულაც არ ნიშნავს, რომ ხელი უნდა ჩაიქნიოთ თქვენს ჯანმრთელობაზე. არ დაიზაროთ და დღეიდანვე დაიწყეთ ეს მარტივი ვარჯიშები — მალე თავად იგრძნობთ შვებას.